星耀樟宜(Jewel Changi Airport)！於2019年正式開幕，集齊航空設施、酒店住宿、娛樂購物同餐飲等於一身，接近250間商戶，仲有全球最高嘅室內瀑布—雨漩渦同高達5層樓嘅室內花園資生堂森林谷等！無論直飛新加坡旅遊定經樟宜機場轉機到其他城市，都絕對值得預留時間盡情探索，想知有咩必食必玩，同埋最後衝刺嘅必買手信推介，就唔好錯過今次分享。
位置：坐落於新加坡樟宜機場嘅核心位置，位於第一航站嘅前方，同時連接第二、三號航站。
前往方法：
從T1出發只需經1樓入境大廳便可直達星耀樟宜
從T2、T3出發，便可由離境大廳的行人天橋前往星耀樟宜
從T4出發，需要乘坐接駁巴士到T1，再到星耀樟宜。
**直達巴士營運時間為6:00am-12:00am
**循環巴士(T4 – T3 – T1 – T4)營運時間為12:00 am-06:00 am
提供服務
24小時的行李寄存服務[位於1樓位置及需要付費]
兌換外幣 [位於地下1樓及4樓]
提前辦理登機[於L1可以辦理提前登記，方便想提早行機場嘅朋友~]
免費租用移動電源12小時[可於二樓體驗禮賓櫃台查詢]
**以上只提及較常用的服務，其他服務詳細可參考官網
去旅行當然會想爭取時間去唔同景點，即使回程當日都未必會提早入機場，不過新加坡樟宜機場係絕對值得花時間探索！成棟星耀樟宜機場有近10層，地下5層為停車場，由L1至L4都係以餐店同商店為主，而L5就係必到景點—星空花園！而每層嘅詳細地圖可以查閱官方資料。
為星耀樟宜嘅核心景觀，同時係新加坡最大規模嘅室內景觀園林，種植超過近900顆樹及約6萬灌木叢，簡直是將整個森林搬入室內！而每層都設有出入口同觀景位置，以不同角度欣賞整個森林谷，沉浸喺大自然嘅環境當中，而兩旁更設有2條步行棧道，沿著步道上去就係5樓嘅星空花園。2條棧道各有設計巧思，東側瀑布步道係繞著岩層向上，西側的步道就有薄霧圍繞，可見整個園林設計係相當細心！
Jewel Rain Vortex為世界最大嘅室內瀑布，由40米高處傾瀉而下的瀑布，景觀相當震撼，絕對係一定要打嘅景點！雨漩渦同樣為星耀樟宜嘅核心景點，每層設有觀景台，如果想影相，都可以去較高嘅樓層打卡，例如4樓就可以影到天懸橋同機場接駁列車穿梭喺植物園同瀑布之間嘅畫面。另外，雨漩渦更設有水舞聲光秀，每星期一至四嘅晚上8點同9點，星期五至日同公眾假期就晚上8點、9點同10點都會有表演欣賞！
星空花園位於星耀樟宜機場的L5，提供不同娛樂休閒設施，分別有樹籬迷宮、鏡子迷宮、蹦跳網、天懸橋、雲霧碗、步行網等，而星空花園係需要購買門票，而根據官網的門票資訊：
星空花園門票包奇幻滑梯、雲霧碗、灌木花園同花卉園，售價為SGD$8
如果想去時空體驗館、天懸橋、樹籬迷宮、步行網、鏡子迷宮同蹦跳網等，每個景點都要額外加購門票。如果想一次玩好幾個景點，建議經官網訂購套票！咁就會包星空花園門票同額外娛樂設施。但要留意每款套票所包含嘅景點都唔同，所以出發前最好先計劃下有咩設施想玩、想打卡，再提早買定套票。
詳細套票詳情可以參考官網門票資料
以下就有幾個官方套票：
按景點加購會相對更配合預算同時間安排!
想回程之前再一嚐新加坡美食，星耀樟宜都有唔少知名小店或餐廳，例如：珍寶海鮮、松發肉骨茶、亞坤咖椰土司等等，作為回程前嘅一餐，就最好不過！仲有數間小店都係唔少人推薦，例如：Fun Toast、老曾記同Mr. Coconut等。
(圖片只供參考並非實物圖)
珍寶海鮮創立於1987年，以辣椒螃蟹和胡椒螃蟹為招牌，更屢獲殊榮，當然值得一試！
地址： 78 Airport Blvd., #03-202/203/204, Singapore 819666
營業時間：10:00 am – 10:00 pm
(圖片只供參考並非實物圖)
亞坤咖椰吐司以其碳烤吐司配以牛油、咖椰醬而深受歡迎，咖椰醬是以椰漿、雞蛋及砂糖製作，帶有椰香，入口香甜，搭配烤至金黃的吐司及牛油，簡直是相得益彰。咖椰醬為當地相當常見的食材，喜歡甜品的人記得要一嚐道地滋味！
地址：#01-K206/207, 78 Airport Boulevard, Singapore 819666
營業時間：07:30 am – 10:00 pm
(圖片只供參考並非實物圖)
松發肉骨茶曾獲米芝連餐廳推介，更是當地人推薦的肉骨菜之一，在新加坡亦有不少分店！它創立於1969年，由小店經營至今為知名餐廳，當中最受歡迎的便是招牌排骨肉骨茶，另外亦有特極龍骨湯、肋骨湯等。
新加坡的肉骨茶分為2派—白派及黑派。白派為潮州式，湯頭較淺及胡椒味更重，而黑派為福建肉骨茶，湯頭更深式及中藥味更濃。而松發肉骨茶屬於白派，湯頭濃郁又帶有白胡椒味，排骨肉質鮮嫩！
地址： #B2-278/279/280, 78 Airport Boulevard, Singapore 819666
營業時間：10:30 am – 10:00 pm
除了以上的好玩好食推介，機場也是最後衝刺購買手信的好機會。星耀樟宜機場內有許多著名品牌，包括Bengawan Solo斑蘭蛋糕、林志源肉乾及金源源咖啡等，輕鬆選購各式各樣的特色手信！
星耀樟宜機場的必買手信—
(圖片只供參考並非實物圖)
林志源肉乾為新加坡傳統小店，成立於1938年，至今已有80多年歷史，並從未於外地開設分店，只有新加坡才有的道地手信！他們提供多款肉乾選擇，並主張新鮮制作，絕對是質素保證！所以，去到新加坡一定不要錯過林志源肉乾。
地址：#B2-222, 78 Airport Boulevard, Singapore 819666
營業時間：10:00 am – 10:00 pm
星耀樟宜機場的必買手信—
(圖片只供參考並非實物圖)
Bengawan Solo為新加坡家傳戶曉的甜品店，尤其是他們的班蘭蛋糕，更是不少當地人推薦的蛋糕品牌。他們的斑蘭戚風蛋糕入口香甜，帶萫班蘭葉的香氣，而且口感鬆軟！即使不想買原個蛋糕，他們亦有提供件裝，相當適合用來送人！想帶最新鮮的蛋糕回港，最好便是上機前才買！
地址：#01-228/229, 78 Airport Boulevard, Singapore 819666
營業時間：10:00 am – 10:00 pm
星耀樟宜機場的必買手信—
(圖片只供參考並非實物圖)
金源源咖啡是新加坡咖啡的老字號，成立於1988年，近年更推出以低糖及無糖為主的全新系列，相當適合關注健康又熱愛咖啡的人士。除新系列外，他們的咖啡豆是以傳統烘焙技術製成，更特以選用羅布斯塔和阿拉比卡豆。羅布斯塔豆帶有堅果香氣，而阿拉比卡豆通常帶有果香或花香。要是朋友喜歡咖啡，送上金源源咖啡就最好不過！
地址：#01-K215, 78 Airport Boulevard, Singapore 819666
營業時間：10:00 am – 10:00 pm
